“ბუქარესტში კიდევ ერთხელ ხაზგასმით დაფიქსირდა, რომ საქართველო და უკრაინა აუცილებლად გაწევრიანდებიან ნატო-ში” – ვიქტორ დოლიძე

(ACCnews) “ვფიქრობ, სიმბოლურია, რომ ბუქარესტში კიდევ ერთხელ ხაზგასმით დაფიქსირდა, რომ საქართველო და უკრაინა აუცილებლად გაწევრიანდებიან ნატო-ში. ეს არის შეუქცევადი პროცესი”, – ამის შესახებ ნატო-ში საქართველოს ელჩმა, ვიქტორ დოლიძემ განაცხადა.

მისივე თქმით, ეს კიდევ ერთხელ გვაძლევს საფუძველს, რაც შეიძლება დროულად გვქონდეს ჯეროვანი ამბიცია ნატო-ში გაწევრიანების თაობაზე.

„გარდა ამისა, დეკლარაციაში მნიშვნელოვან წილად ადგილი დათმობილია ჩვენი თავდაცვის უნარიანობის ამაღლებაზე, გაძლიერებაზე და ნატო-სთან ურთიერთთავსებადობის ამაღლებაზე  და იმაზე, რომ ქვეყანას, რომელიც მუდმივად არის რისკის, საფრთხის ქვეშ რუსეთიდან, სჭირდება მეტი დახმარება, თანადგომა, რომ მშვიდობა, სტაბილურობა შევინარჩუნოთ და ამავე დროს,  მოვახერხოთ განვითარება. გარდა ამისა, ჩვენ მივესალმებით ფინეთისა და შვედეთის ნატო-ში გაწევრიანების პროცესს, ეს არის ნატო-ს ღია კარის პოლიტიკა, რომელის დარწმუნებული ვარ, ჩვენზეც აისახება.

იცით, რომ ამ გადაწყვეტილებას ზურგს უმაგრებს ნატო-ს წლევანდელი მადრიდის სამიტის სტრატეგიული ახალი კონცეფცია, სადაც ხაზგასმით არის აღნიშნული, რომ ბუქარესტის 2008 წლის გადაწყვეტილებები აუცილებლად იქნება იმპლემენტირებული და განხორციელებული. ეს კიდევ ერთხელ გვაძლევს საფუძველს, რომ მომავალი წლების განმავლობაში, რაც შეიძლება დროულად გვქონდეს ჯეროვანი ამბიცია ნატო-ში გაწევრიანების თაობაზე“, – განაცხადა ვიქტორ დოლიძემ.