(ACCnews) უკრაინის შესაძლებლობა დაემუქროს ნოვოროსიისკს, კიდევ უფრო შეარყევს რუსეთის გავლენას შავ ზღვაში – ასეთ შეფასებას აძლევს ბრიტანული დაზვერვა რუსული მედიით გავრცელებულ ინფორმაციას, ნოვოროსიისკის პორტში უკრაინის საზღვაო თვითმფრინავის თავდასხმის შესახებ. ამის შესახებ ბრიტანეთის თავდაცვის სამინისტროს სადაზვერვო მიმოხილვაშია ნათქვამი. წერს “ევროპული სიმართლე”.
კერძოდ, 2022 წლის 18 ნოემბერს არაერთმა რუსულმა და უკრაინულმა მედიამ გაავრცელა ინფორმაცია, რომ რუსეთის შავი ზღვის სანაპიროზე ნოვოროსიისკის პორტში მდებარე ნავთობტერმინალზე თავდასხმა მოხდა, რომლიდანაც არც თუ ისე შორს არის რუსეთის შავი ზღვის ფლოტის დიდი ბაზა.
ბრიტანული დაზვერვა იხსენებს, რომ რუსეთის შავი ზღვის ფლოტმა თავისი წყალქვეშა ოპერაციები ნოვოროსიისკში მას შემდეგ გადაიტანა, რაც უკრაინამ მის ბაზას სევასტოპოლში ოკუპირებულ ყირიმში დაარტყა.
როგორც ბრიტანეთის თავდაცვის სამინისტრო აღნიშნავს, მიუხედავად იმისა, რომ ამ ინციდენტის სრული დეტალები ჯერ არ არის ცნობილი, უკრაინის ნებისმიერი უნარი დაემუქროს ნოვოროსიისკს, სავარაუდოდ, კიდევ ერთი სტრატეგიული გამოწვევა გახდება შავი ზღვის ფლოტისთვის.
”ეს ასევე კიდევ უფრო ძირს უთხრის რუსეთის ისედაც შემცირებულ გავლენას შავ ზღვაზე”, – აცხადებენ ბრიტანეთის დაზვერვაში.
