(ACCnews) დიდი ბრიტანეთი მზად არის იყოს უკრაინის უსაფრთხოების გარანტი. – განცხადებას გაეროში დიდი ბრიტანეთის წარმომადგენელი ბარბარა ვუდვორდი აკეთებს.
“ჩვენ გვსურს უზრუნველვყოთ რუსული ჯარების გაყვანა ნებისმიერი გზით, რათა დავეხმაროთ ომის დასრულებას. და მოხარული ვართ, რომ ვითამაშოთ ეს როლი, თუ უკრაინა ითხოვს, დიახ,” – განაცხადა ბარბარა ვუდვორდმა.
ცნობისათვის, სტამბოლში რუსეთისა და უკრაინის დელეგაციებს შორის გამართული მოლაპარაკებებისას უკრაინამ დაასახელა უსაფრთხოების გარანტიები და ის ქვეყნებიც, რომლებიც გარანტორად უნდა იქცნენ.
გარანტიები გულისხმობს ნატოს მე-5 მუხლის ანალოგს: თუ უკრაინა აგრესიის ობიექტი გახდება, მას უფლება აქვს მოითხოვოს კონსულტაციები სამი დღის განმავლობაში, თუ ისინი უშედეგო იქნება, გარანტორი ქვეყნები უნდა დაეხმარონ უკრაინას შეიარაღებით და დახურონ ცა.
ასეთი გარანტიით, უკრაინა არ განათავსებს უცხოურ სამხედრო ბაზებს თავის ტერიტორიაზე და არ შევა სამხედრო-პოლიტიკურ ალიანსებში.
გარანტორებს შორის არიან გაეროს უშიშროების საბჭოს ქვეყნები, აშშ, დიდი ბრიტანეთი, საფრანგეთი, თურქეთი, გერმანია, კანადა, პოლონეთი, ისრაელი.
