(ACCnews) გაერთიანებული სამეფოს პრემიერ-მინისტრ ბორის ჯონსონის განცხადებით, რუსეთის პრეზიდენტმა “წითელი ხაზები გადაკვეთა”, რის გამოც საერთაშორისო საზოგადოება მასზე გაზრდის წნეხს. ამის შესახებ ბორის ჯონსონმა ბრიუსელში ვიზიტის დაწყებამდე განაცხადა.
ჯონსონის თქმით, პარტნიორ ქვეყნებს აქვთ ვალდებულება, რუსეთის წინააღმდეგ მებრძოლ უკრაინას მაქსიმალურად დაეხმაროს.
„შეგვიძლია ჩვენ მეტი გავაკეთოთ, რათა ხელი შევუშალოთ პუტინს მისი „ოქროს რეზერვების“ გამოყენებაში? რა შეგვიძლია გავაკეთოთ „სვიფტის” სანქცირებისთვის? ვლადიმერ პუტინმა წითელი ხაზები გადაკვეთა და საერთაშორისო საზოგადოება გაზრდის რუსეთის პრეზიდენტზე წნეხს
ჩვენ უნდა გავაკეთოთ მეტი უკრაინელებისთვის სამხედრო დახმარების გასაწევად. დიდი რაღაც, რაც გამოვლინდა გასულ თვეს – უდიდესი ფაქტი, რომელიც მსოფლიომ ახლა იცის, არის ის, რომ უკრაინელი ხალხი იბრძოლებს მათი ქვეყნისთვის. მათ სჯერათ თავიანთი ქვეყნის, უყვართ თავიანთი ქვეყანა და აპირებენ მის დაცვას. ეს იყო რაღაც, რაც ჩვენ არ ვიცოდით ერთი თვის წინ და ახლა ეს აბსოლუტურად ცხადია. ამან შეცვალა გეოპოლიტიკა. ეს ნიშნავს, რომ ჩვენ გვაქვს ვალდებულება მათ დავეხმაროთ, გვაქვს ვალდებულება დავეხმაროთ მათ თავისა და საყვარელი ადამიანების დაცვაში”, – განაცხადა ბორის ჯონსონმა.
ბრიუსელში, ნატო-ს შტაბ-ბინაში, ალიანსის ლიდერების სამიტი მიმდინარეობს. შეხვედრაზე უკრაინაში მიმდინარე ომზე მსჯელობენ.
