(ACCnews) საგარეო პოლიტიკისა და უსაფრთხოების საკითხებში ევროკავშირის უმაღლესი კომისრის ჯოზეფ ბორელის განცხადებით, ევროკავშირი გმობს რუსეთის შეიარაღებული ძალების განურჩეველ და უკანონო დარტყმებს მოქალაქეებსა და სამოქალაქო ინფრასტრუქტურაზე.
ბორელის თქმით, რსეთმა უკრაინაში ს საბრძოლო მოქმედებები უპირობოდ უნდა შეწყვიტოს.
“თავდასხმები აჩვენებს, რომ ქვეყნის არც ერთი ნაწილი არ არის დაზღვეული კრემლის უაზრო შეტევისგან. რუსეთმა დაუყოვნებლივ და უპირობოდ უნდა შეწყვიტოს საბრძოლო მოქმედებები, გაიყვანოს უკრაინიდან ყველა ძალა და სამხედრო ტექნიკა,” – ნათქვამია ბორელის განცხადებაში.
ცნობისთვის, რუსეთის ჯარის უკრაინაში შესვლიდან უკვე 55 დღე გავიდა. ბოლო მონაცემებით ორივე მხარეს არის ათასობით მსხვერპლი. უკრაინას უკვე ჰყავს 4 მილიონზე მეტი ლტოლვილი. რუსეთს უკრაინაში შეღწევის გამო აშშ-მ, ევროკავშირის ქვეყნებმა, გაერთიანებულმა სამეფომ, იაპონიამ და ავსტრალიამ სანქციები დაუწესა.
