(ACCnews) აზერბაიჯანისა და სომხეთის საგარეო საქმეთა მინისტრებმა, შეერთებული შტატების ინიციატივით, გამართეს სამმხრივი საუბარი სახელმწიფო მდივნის ენტონი ბლინკენის მონაწილეობით, სადაც განიხილეს ერევანსა და ბაქოს შორის სამშვიდობო შეთანხმების შემუშავება. ამის შესახებ სამი ქვეყნის საგარეო საქმეთა სამინისტროს განცხადებაშია ნათქვამი.
საუბრისას დიპლომატებმა წარმოადგინეს თავიანთი შეხედულებები ჟენევაში 2 ოქტომბრის შეხვედრის შედეგებზე.
სომხეთის საგარეო საქმეთა სამინისტროს ცნობით, საუბრისას, მხარეებმა „გაცვალეს აზრები სომხეთ-აზერბაიჯანის სამშვიდობო ხელშეკრულების შემუშავებისა და სტეფანაკერტსა და ბაქოს შორის დისკუსიის მექანიზმის შექმნის შესახებ“.
სომხეთის საგარეო საქმეთა მინისტრმა არარატ მირზოიანის განცხადებით, საჭიროა სომხეთის სუვერენული ტერიტორიიდან აზერბაიჯანის შეიარაღებული ძალების გაყვანა, სომეხი სამხედრო ტყვეების დაუყოვნებლივი რეპატრიაცია და ცეცხლის შეწყვეტის უპირობო დაცვა.
„ახალი აგრესიის პრევენციის კონტექსტში აღინიშნა სასაზღვრო სიტუაციის მონიტორინგისა და კონტროლის საერთაშორისო მექანიზმების დანერგვის მნიშვნელობა“, – ნათქვამია სამინისტროს განცხადებაში.
აზერბაიჯანის საგარეო საქმეთა სამინისტროს განცხადებით, მინისტრმა ჯეიჰუნ ბაირამოვმა იმედი გამოთქვა, რომ „მხარეები გააგრძელებენ მოლაპარაკებებს სამშვიდობო ხელშეკრულების ტექსტზე, ჟენევის შეხვედრაზე ბაქოს მიერ შემოთავაზებულ ელემენტებზე დაყრდნობით“.
სააგენტომ აღნიშნავს, რომ აზერბაიჯანის მოწოდება სომხეთ-აზერბაიჯანის საზღვრის დელიმიტაციის შესახებ ორმხრივი კომისიის ოქტომბერში ჩატარების შესახებ დადებითად შეფასდა.
„ბაირამოვმა განაცხადა, რომ აზერბაიჯანი მზად არის უზრუნველყოს მშვიდობა რეგიონში და კიდევ ერთხელ დაადასტურა მზადყოფნა სამშვიდობო ხელშეკრულების ხელმოწერისთვის. მინისტრმა ასევე დასძინა, რომ პოსტკონფლიქტურ პერიოდში ბაქო გააგრძელებს მუშაობას ყარაბაღის რეგიონში მცხოვრები სომეხი მოსახლეობის რეინტეგრაციისთვის.“, – ნათქვამია ინფორმაციაში.
ბლინკენმა, თავის მხრივ, “მადლობა გამოხატა იმ პოზიტიური ნაბიჯებისთვის, რომლებსაც სომხეთი და აზერბაიჯანი დგამენ მდგრადი სამშვიდობო შეთანხმების მისაღწევად”, – ნათქვამია აშშ-ს სახელმწიფო დეპარტამენტის განცხადებაში.
“ის მიესალმა მინისტრთა შეხვედრას 2 ოქტომბერს, როგორც მნიშვნელოვანი წინგადადგმული ნაბიჯი სამშვიდობო პროცესში. მდივანმა შეაქო სამხედრო ტყვეების გათავისუფლება და კიდევ ერთხელ დაადასტურა ჩვენი ვალდებულება დავეხმაროთ სომხეთსა და აზერბაიჯანს პრობლემების მშვიდობიანი გზით გადაჭრაში და ხაზი გაუსვა, რომ დიპლომატია ერთადერთი გზაა”, – ნათქვამია შეტყობინებაში.
შეგახსენებთ, რომ ბოლო თვეებში აზერბაიჯანსა და სომხეთს შორის ორი მასშტაბური დაპირისპირება მოხდა.
პირველი ერევნის მიერ ბაქოსთვის სტრატეგიულად მნიშვნელოვანი ლაჩინის დერეფნის კონტროლის გადაცემა. მეორე კი სასაზღვრო ტერიტორიების დაბომბვას მოჰყვა, რასაც რეგიონში შეერთებული შტატების როლის გაძლიერება მოჰყვა.
