(accnews) რუსეთი აღარ ითხოვს პრეზიდენტ ვოლოდიმირ ზელენსკის შეცვლას და უკრაინის სრულ დემილიტარიზაციას,” – ამის შესახებ ისრაელის პრემიერ-მინისტრმა, ნაფტალი ბენეტმა განაცხადა.
ისრაელის პრემიერის განცხადებით, ბოლო რამდენიმე კვირის განმავლობაში რუსეთ-უკრაინის მოლაპარაკებების დროს გარკვეული პროგრესი შეიმჩნევა, თუმცა მისივე თქმით, მხარეებს შორის რამდენიმე ფუნდამენტურ საკითხზე არსებული აზრთა სხვადასხვაობა ჯერ ძალიან დიდია.
“ბოლო რამდენიმე კვირის განმავლობაში მხარეებს შორის გარკვეული პროგრესი იქნა მიღწეული, თუმცა რამდენიმე ფუნდამენტურ საკითხზე არსებული აზრთა სხვადასხვაობა ჯერ ძალიან დიდია. მსოფლიოში სხვა მეგობრებთან ერთად ჩვენ გავაგრძელებთ მცდელობას, რომ გადავლახოთ ეს აზრთა სხვადასხვაობა, რათა დავასრულოთ ომი. საუკეთესო რამ, რაც შეიძლება მოხდეს, არის ამ ომის დასრულება, თუმცა გზა ჯერ კიდევ გრძელია და ჯერ კიდევ არის რამდენიმე სადავო საკითხი, რომელთა ნაწილი ფუნდამენტურია“, – განაცხადა ნაფტალი ბენეტმა.
ინფორმაციისთვის, რუსეთ-უკრაინას შორის ისრაელის შუამავლობა უკრაინამ მოითხოვა. მთავრობამ მიზეზად ორივე მხარესთან კარგი ურთიერთობა დაასახელა.
