(ACCnews) “რუსი ოკუპანტები არ წყვეტენ აზოვსტალის დაკავების მცდელობებს, 13 მაისს დილით ოკუპანტები ქარხნის ტერიტორიაზე შეჭრას ცდილობენ,” – ამის შესახებ მარიუპოლის მერის მრჩეველმა პეტრ ანდრიუშჩენკომ განაცხადა.
მარიუპოლის მერის მრჩეველმა აღნიშნა, რომ აზოვსტალში ოკუპანტები, ცდილობენ ქარხნის შუაგულში შეღწევას. მან გამოაქვეყნა ფოტო, სადაც ჩანს, როგორ დადიან რუსი ჯარისკაცები ქარხანაში.
“აზოვტალის” ქარხანაში სიტუაცია დღითი დღე რთულდება.” – განაცხადა მარიუპოლის მერის მრჩეველმა.
გენერალური შტაბის ცნობით, რუსეთი აგრძელებდა საარტილერიო და საჰაერო დარტყმებს მარიუპოლზე, მაშინ როცა მტრის ძირითადი ძალისხმევა კვლავ კონცენტრირებული იყო უკრაინული ჯარების ბლოკირებაზე “აზოვსტალის” ქარხნის მიდამოში.
“რუსულმა ძალებმა ვერ მიაღწიეს რაიმე მნიშვნელოვან წარმატებას მიუხედავად იმისა, რომ ქვეყნის ამ ნაწილში ჰყავთ ძალები კონცენტრირებული, მას შემდეგ რაც დანაყოფები კიევისა და ჩერნიგოვის ოლქებიდან გამოიყვანეს.” – ნათქვამია დაზვერვის ინფორმაციაში.
