“არ ვერევით საქართველოს შიდა საქმეებში, საუბარია სიცოცხლის გადარჩენაზე” – ალექსეი არესტოვიჩი

(ACCnews) “არ ვერევით საქართველოს შიდა საქმეებში. საუბარია სიცოცხლის გადარჩენაზე,” – ასეთ შეფასებას აძლევს უკრაინის პრეზიდენტის მრჩეველი ალექსეი არესტოვიჩი, რომელიც რუს უფლებადამცველ მარკ ფეიგინთან ერთად მიხეილ სააკაშვილის მხარდამჭერი აქციებს აანონსებს.

აქციის ორგანიზატორების საზოგადოებას მოუწოდებენ, 4 იანვარს, მსოფლიოს სხვადასხვა ქვეყანაში, საქართველოს საელჩოებთან მიხეილ სააკაშვილის სამკურნალოდ გადაყვანის მოთხოვნით, აქცია  გამართონ.

„ჩვენ არ ვერევით საქართველოს შიდა საქმეებში. საუბარია სიცოცხლის გადარჩენაზე. ადამიანის ყველაზე მთავარი უფლების დაცვაზე.

როდესაც ადამიანი კვდება და არსებობს ტოქსიკოლოგიური დასკვნა მოწამვლაზე, როდესაც მომაკვდავი პირი მონაწილეობს სასამართლოში და სასამართლო ვერ ეხმარება მას, ასეთი სასამართლო ვერ ჩაითვლება სამართლიანად. თქვენ გამოდიხართ ადამიანის მხარდასაჭერად რომელსაც საჩვენებლად ანადგურებენ ციხეში. ეს კაცობრიობის წინააღმდეგ დანაშაულია“, – აცხადებს ალექსეი არესტოვიჩი.