(ACCnews) გამოცემა Associated Press-ის კვლევის თანახმად, რუსი ოკუპანტების მიერ მარიუპოლის დრამატული თეატრის დაბომბვას 600-მდე ადამიანი ემსხვერპლა. გამოცემამ გამოძიება 23 წყაროზე დაყრდნობით ჩაატარა.
რაც შეეხება უშუალოდ კვლევას, როგორც გამოცემის მიერ გავრცელებულ მონაცემებშია ნათქვამი, დაბომბვის შედეგად დაღუპულთა რაოდენობა თითქმის ორჯერ აღემატება არსებულ ოფიციალურ მონაცემებს. თავდასხმის დროს თეატრს 1300-მდე უკრაინელი აფარებდა თავს.
მარიუპოლის ქალაქის საბჭომ მიერ გავრცელებული ინფორმაციის თანახმად კი, ოკუპანტების მიერ დრამატული თეატრის დაბომბვას დაახლოებით 300 ადამიანის სიცოცხლე ემსხვერპლა.
შეგახსენებთ, რომ 16 მარტს რუსულმა თვითმფრინავმა მარიუპოლის დრამატული თეატრის შენობაზე ბომბი ჩამოაგდო.
