(ACCnews) რუსეთის ფედერაციას არ შეიძლება მიეცეს G20-ის ტრიბუნად გამოყენების უფლება, განაცხადა გერმანიის საგარეო საქმეთა სამინისტროს ხელმძღვანელმა ანნალენა ბურბოკმა.
„ჩვენ არ დავდგებით გვერდით და არ დავუშვებთ რუსეთს, რომ ეს შეხვედრა ფორუმად გამოიყენოს“, – ციტირებს ბურბოკის განცხადებას დოიჩე ველე.
მისი თქმით, ყველას ინტერესშია საერთაშორისო სამართლის პატივისცემა და დაცვა. ბერბოკმა ასევე მოითხოვა ერთობლივი რეაგირება რუსეთის აგრესიულ ომზე უკრაინის წინააღმდეგ.
ცნობისათვის, G20-ის საგარეო საქმეთა მინისტრების ორდღიანი კონფერენციის დროს, რომელიც ბალიში (ინდონეზია) დღეს დაიწყება, ბერბოკი პირადად არ შეხვდება თავის რუს კოლეგას სერგეი ლავროვს. პარალელურად, ბურბოკი, სავარაუდოდ, მიიღებს მონაწილეობას G20-ის სხვა შეხვედრებში, სადაც ასევე მოსალოდნელია რუსი მინისტრის ყოფნა.
ლავროვთან შეხვედრაზე უარი თქვა აშშ-ის სახელმწიფო მდივანმა ენტონი ბლინკენმა.
როგორც რუსული მედია იუწყება, თავად ლავროვი აპირებს “შეხვედრას” სხვა საგარეო საქმეთა მინისტრებთან ორმხრივი მოლაპარაკებებისთვის. მოსალოდნელია, რომ ეს იქნება მოლაპარაკებები ჩინეთის, სამხრეთ აფრიკის, ბრაზილიისა და მექსიკის მინისტრებთან.
G20-ის ლიდერების სამიტი ბალიში ნოემბრის ბოლოს გაიმართება. G7-ის რამდენიმე ქვეყანა დაემუქრა, რომ არ წავა ღონისძიებაზე, თუ რუსეთის პრეზიდენტი ვლადიმერ პუტინი პირადად დაესწრებოდა. არ არის გამორიცხული, მან მონაწილეობა მიიღოს ვიდეო ბმულით.
29 ივნისს, კიევში ვიზიტის დროს, ინდონეზიის პრეზიდენტმა ჯოკო ვიდოდომ პირადად გადასცა უკრაინის ლიდერს ვლადიმირ ზელენსკის G20-ის სამიტზე დასასწრებად მიწვევა.
