“დამოუკიდებელი სასამართლო სისტემა ურყევ ნდობას აყალიბებს ადამიანებში, რომ უკლებლივ ყველა მოქალაქეს მართლმსაჯულების იმედი შეუძლია ჰქონდეს. ჩვენი ქვეყნების 30-წლიანი პარტნიორობის განმავლობაში აშშ-ის მთავრობა მოქალაქეებში მსგავსი ნდობის განსავითარებლად მხარს უჭერს საქართველოში კანონის უზენაესობის განმტკიცებას” – აღნიშნულ ინფორმაციას აშშ-ის საელჩო საკუთარ ფეისბუქ-გვერდზე ავრცელებს.
გვერდზე აღნიშნულია, რომ აღნიშნული მიზანი აშშ-ის მისიის ერთ-ერთ მთავარ პრიორიტეტად რჩება საქართველოში.
ცნობისათვის: რუსთავში აშშ-ის ელჩი საქართველოში კელი დეგნანი საქალაქო სასამართლოს ადგილობრივ მოსამართლეებს შეხვდა, აშშ-ის მთავრობის ძალისხმევაზე ესაუბრა და კანონის უზენაესობის განვითარებაზე მათი აზრი მოისმინა.
