(ACCnews) აშშ-საქართველოს პარტნიორობის 30 წლისთავთან დაკავშირებული მოგზაურობის ფარგლებში, ელჩი დეგნანი ბოლნისში ნახიდურის საჯარო სკოლის მასწავლებლებს შეხვდა, რომლებიც ეთნიკურად ქართველ და აზერბაიჯანელ ბავშვებს ასწავლიან.
“საქართველოს სიძლიერე, ამერიკის მსგავსად, მის მრავალფეროვნებაშია.
შეერთებული შტატები ერთგულად უჭერს მხარს საქართველოს განათლების რეფორმასა და სასწავლო გეგმის განვითარებას, რაშიც აშშ-ის მთავრობის მრავალი სააგენტოა ჩართული, მათ შორის: მშვიდობის კორპუსი, ათასწლეულის გამოწვევის კორპორაცია, საელჩოს საზოგადოებრივ საქმეთა განყოფილება და USAID-ი.
ერთად ჩვენ მხარს ვუჭერთ მასწავლებლებს მოსწავლეზე ორიენტირებული მიდგომის განხორციელებაში და უზრუნველვყოფთ კლასში ინოვაციური სწავლების ტექნიკის დანერგვისთვის საჭირო რესურსებით. ამ მხარდაჭერით საქართველოს მომავალი თაობა შემართული იქნება წიგნიერების, მათემატიკური და კრიტიკული აზროვნების უნარის განვითარებისთვის. – ნათქვამია ამერიკის საელჩოს მიერ გავრცელებულ ინფორმაციაში.
