“აზერბაიჯანის ევროკავშირში გაწევრიანება ალბათ შეუძლებელი სცენარია”- ილჰამ ალიევი

(ACCnews) აზერბაიჯანის პრეზიდენტი ილჰამ ალიევი აცხადებს, რომ ევროკავშირში აზერბაიჯანის გაწევრიანება, სავარაუდოდ, არ მოხდება.

როგორც ალიევმა ბაქოში უცხოური ანალიტიკური ცენტრების წარმომადგენლებთან შეხვედრისას განაცხადა, ევროკავშირში გაწევრიანება აღმოსავლეთ პარტნიორობის პროგრამის სხვა წევრებს სურთ, მაგრამ ეს ხანგრძლივი პროცესია.

„ვიცი, რომ ევროკავშირის აღმოსავლეთ პარტნიორობის პროგრამის სხვა წევრებს გაწევრიანება სურთ, მაგრამ უნდა გვესმოდეს, რომ ეს ხანგრძლივი პროცესია. ძალიან, ძალიან ხანგრძლივი პროცესი. აზერბაიჯანის შემთხვევაში კი, ალბათ ეს შეუძლებელი სცენარია“, – განაცხადა ალიევმა.