(ACCnews) დასავლური მედიის ცნობით, ამერიკის შეერთებული შტატების პრეზიდენტი ჯო ბაიდენი შვედეთის პრემიერ-მინისტრს, მაგდალენა ანდერსონსა და ფინეთის პრეზიდენტს, საული ნიინისტოს ესაუბრა.
სატელეფონო საუბრის შესახებ ინფორმაციას სოციალურ ქსელ “ტვიტერში” ფინეთის პრეზიდენტიც ავრცელებს, სადაც წერს, რომ მხარეებმა საუბრისას ერთმანეთს უკრაინაში მიმდინარე მოვლენებთან დაკავშირებით შეშფოთება გაუზიარეს.
“ერთობლივი სატელეფონო ზარი გვქონდა ჯო ბაიდენთან და მაგდალენა ანდერსონთან. ჩვენ ერთმანეთს გავუზიარეთ ჩვენი ღრმა შეშფოთება უკრაინაში რუსეთის შეჭრასთან დაკავშირებით. ვისაუბრე ფინეთის შემდგომ ნაბიჯებზე ნატო-ში გაწევრიანებისკენ. ფინეთი აფასებს აშშ-ის ყველა საჭირო მხარდაჭერას“, – წერს ფინეთის პრეზიდენტი “ტვიტერში“.
