(ACCnews) “ხარკოვის ოლქში უკრაინის შეიარაღებულმა ძალებმა უკვე გაათავისუფლეს 24 დასახლება,” – ამის შესახებ უკრაინის შეიარაღებული ძალების მთავარსარდალი ვალერი ზალუჟნი სოციალურ ქსელ “ფეისბუკში” წერს.
როგორც ზალუჟნი წერს, სოფელ კუტუზოვკაში, რომელიც მაისის დასაწყისში იყო ოკუპირებული, დაახლოებით 170 ადგილობრივი მცხოვრები ორ თვეზე მეტი ხნის განმავლობაში ცხოვრობდა საბავშვო ბაღის სარდაფში. მათ შორის 40 ბავშვი – 3 თვიდან 12 წლამდე.
ცნობისთვის, რამდენიმე დღის წინ მედიაში გავრცელდა ინფორმაცია, რომლის თანახმად, 5 მაისიდან უკრაინის შეიარაღებული ძალების ნაწილებმა რუსეთის ოკუპაციისგან გაათავისუფლეს ხარკოვის ოლქის 23 დასახლება.
