(ACCnews) უკრაინის ვიცე-პრემიერის, ირინა ვერეშჩუკის ინფორმაციით, უკრაინა მარიუპოლის „აზოვსტალიდან“ 60 ადამიანის ევაკუაციაზე მოლაპარაკებებს აწარმოებს.
“რამდენიმე ასეული დაჭრილია, მათ უპირველეს ყოვლისა სჭირდებათ გადარჩენა, რადგან ერთიანად ყველასთან მიმართებაში რუსები არ თანხმდებიან. ასე, რომ ჯერ მძიმედ დაჭრილები და ექიმები, რეალურად არის 60 ადამიანი,” – განაცხადა ვერეშჩუკმა.
შეგახსენებთ, “აზოვსტალის” ქარხნიდან მშვიდობიანი მოქალაქეების ევაკუაცია 1 მაისს გაეროსა და წითელი ჯვრის მონაწილეობით დაიწყო. რამდენიმე დღის წინ ქარხნის ტერიტორიიდან ქალების, ბავშვების და მოხუცების გამოყვანა დასრულდა. თუმცა, აზოვსტალის ტერიტორიაზე უკრაინელი ჯარისკაცები კვლავ რჩებიან. მათ შორის არიან დაჭრილებიც, რომლებსაც მკურნალობა ესაჭიროებათ.
