(ACCnews) “რუსეთის უკრაინაში შეჭრის შემდეგ ვლადიმერ პუტინის მოკვლა სცადეს,” – ამის შესახებ უკრაინის თავდაცვის სამინისტროს მთავარი სადაზვერვო სამსახურის ხელმძღვანელმა, კირილ ბუდანოვმა “უკრაინსკაია პრავდასთან” ინტერვიუში განაცხადა.
“იყო პუტინის მკვლელობის მცდელობები… არც ისე დიდი ხნის წინ, როგორც ამბობენ, კავკასიის წარმომადგენლების მეშვეობით იყო მკვლელობის მცდელობა. ეს საჯარო ინფორმაცია არაა. მცდელობა სრულიად წარუმატებელი იყო, მაგრამ ასეთი შემთხვევა იყო, დაახლოებით ორი თვის წინ,” – განაცხადა ბუდანოვმა.
შეგახსენებთ, რუსეთი უკრაინაში 2022 წლის 24 თებერვალს შეიჭრა. ორივე მხარეს ათასობით სამხედრო პირი და მშვიდობიანი მოქალაქეა დაღუპული. უკრაინაში ომის დაწყების დღიდან ქვეყანა ათ მილიონზე მეტმა ადამიანმა დატოვა.
