“უკრაინას დონბასისთვის გადამწყვეტი ბრძოლის ძალიან რთული თვე ელის” – უკრაინის შსს

(ACCnews) უკრაინის შინაგან საქმეთა მინისტრის მრჩევლის, ვადიმ დენისენკოს განცხადებით, უკრაინას დონბასისთვის გადამწყვეტი ბრძოლის ძალიან რთული თვე ელის.

მისივე განცხადებით, რუსი სამხედროები  მთლიან ძალისხმევას უთმობენ ლუგანსკის რაიონში უკრაინული ჯარების ალყაში მოქცევას.

“მიუხედავად ჩვენი ყველა მიღწევისა პირველ სამ თვეში, ახლა ალბათ ამ ომის ერთ-ერთი ურთულესი ფაზა გველის… რა თქმა უნდა, აქტიური ფაზა დიდხანს ვერ გაგრძელდება, თუმცა ის მაინც იქნება გარკვეული პერიოდის განმავლობაში”, – განაცხადა უკრაინის შინაგან საქმეთა მინისტრის მრჩეველმა და აქვე დასძინა, რომ ომი გაჭიანურებულ ფაზაში გადადის და რუსი ოკუპანტები “უფრო ჭკვიანურად იბრძოლებენ, ვიდრე ეს თავიდანვე გააკეთეს.”