(ACCnews) უკრაინის თავდაცვის სამინისტროს ინფორმაციით, უკრაინამ კრეისერი МОСКВА თავის წყალქვეშა კულტურულ მემკვიდრეობად აღიარა.
მედიაში გავრცელებული ინფორმაციის თანახმად კი, შავი ზღვის ფსკერზე ჩაძირული კრეისერი უკრაინის კულტურული მემკვიდრეობის რეესტრში 2064 ნომრით შევიდა.
“ტურისტები, რომლებსაც ჩაძირული რუსული კრეისერის დათვალიერება მოუნდებათ, ამას ოდესიდან 80 მილის მოშორებით შეძლებენ. UNESCO-ს კონვენციის თანახმად, უკრაინის სახელმწიფოს ეკონომიკური საქმიანობის ფარგლებში, შავი ზღვის ფსკერზე ადამიანის საქმიანობის ნებისმიერი კვალი უკრაინის საკუთრებაა”, – ნათქვამია უკრაინის თავდაცვის სამინისტროს განცხადებაში.
ცნობისთვის, 15 აპრილს, რუსეთის თავდაცვის სამინისტრომ ინფორმაცია გაავრცელა, რომლის თანახმადაც, რუსული კრეისერი МОСКВА ბუქსირებისას ჩაიძირა.
