“უკრაინამ “აზოვსტალში” მყოფ თავის მებრძოლებს უნდა უბრძანოს, ჩაბარდნენ” – ვლადიმერ პუტინი

(ACCnews) “უკრაინამ თავის მებრძოლებს, რომლებიც “აზოვსტალის” ფოლადის ქარხანაში რჩებიან, უნდა უბრძანოს, რომ დაყარონ იარაღი და ჩაბარდნენ,” – ამის შეხება რუსეთის პრეზიდენტმა, ვლადიმერ პუტინმა განაცხადა.

როგორც კრემლის მიერ გავრცელებულ განცხადებაში ვკითხულობთ, რუსეთის პრეზიდენტმა აღნიშნული განცხადება ისრაელის პრემიერ-მინისტრ ნაფტალი ბენეტთან სატელეფონო საუბრისას გააკეთა.

შეგახსენებთ, გუშინ ცნობილი გახდა, რომ რუსი სამხედროები მარიუპოლში, „აზოვსტალის“ ქარხნის ტერიტორიაზე შეიჭრნენ. უკრაინული მხარის ინფორმაციით კი, დაახლოებით 200 მშვიდობიანი მოქალაქე, რუსეთის გაძლიერებული თავდასხმების ფონზე, “აზოვსტალის” ფოლადის ქარხანაშია ჩარჩენილი. უკრაინის მიერ გავრცელებულ ამ ინფორმაციას კრემლში უარყოფენ.