“საქართველო ევროკავშირის ოჯახს მიეკუთვნება” – რობერტა მეცოლა

(ACCnews) “საქართველო ევროკავშირის ოჯახს მიეკუთვნება,” – ასე ეხმაურება ევროპარლამენტის პრეზიდენტი რობერტა მეცოლა საქართველოს პრემიერ-მინისტრთან, ირაკლი ღარიბაშვილთან შეხვედრას.

“კარგი შეხვედრა მქონდა საქართველოს პრემიერ-მინისტრთან, ირაკლი ღარიბაშვილთან ევროპარლამენტში. საქართველო ევროკავშირის ოჯახს მიეკუთვნება. რეფორმები მართლმსაჯულების სფეროში, კანონის უზენაესობა, მედიათავისუფლება, ლგბტქ+ და ადამიანის უფლებები რჩება გადამწყვეტად ქვეყნის ევროპული გზისთვის. ერთიანი ვართ უკრაინის მიმართ მხარდაჭერაში“, – წერს მეცოლა “ტვიტერზე”.

შეგახსენებთ, საქართველოს პრემიერ-მინისტრი ირაკლი ღარიბაშვილი ბრიუსელში ევროპარლამენტის პრეზიდენტს რობერტა მეცოლას დღეს შეხვდა.