(ACCnews) რუსეთში ე.წ. დონეცკისა და ლუგანსკის სახალხო რესპუბლიკების საელჩოების გახსნა იგეგმება. ინფორმაციას რუსული მედია დიპლომატიურ წყაროზე დაყრდნობით ავრცელებს.
გამოცემის ცნობით, ე.წ. საელჩოების გახსნასთან დაკავშირებით სამუშაოები აქტიურად მიმდინარეობს და ე.წ. დიპლომატიური მისიები შეიძლება ერთი ან ორი თვის განმავლობაში გაიხსნას.
შეგახსენებთ, ცნობისთვის, რუსეთის პრეზიდენტმა ვლადიმერ პუტინმა ოკუპირებული დონეცკი და ლუგანსკი ე.წ დამოუკიდებელ რესპუბლიკებად 21 თებერვალს, სატელევიზიო გამოსვლის დროს აღიარა. ამის შემდეგ, 24 თებერვალს რუსეთი უკრაინაში შეიჭრა და საომარი მოქმედებები დაიწყო.
