“რუსეთი 2 500 რეზერვისტს ამზადებს იმისთვის, რომ უკრაინის ტერიტორიაზე გადაიყვანოს და მათ წინააღმდეგ ომში ჩართოს” – უკრაინის გენერალური შტაბი

(ACCnews) “რუსეთი 2 500 რეზერვისტს ამზადებს იმისთვის, რომ უკრაინის ტერიტორიაზე გადაიყვანოს და მათ წინააღმდეგ ომში ჩართოს,” – ამის შესახებ ინფორმაციას უკრაინის გენერალური შტაბი ავრცელებს.

ამავე უწყების ცნობით, რუსეთის შეიარაღებული ძალების სარდლობა ცდილობს, რომ საკუთარი ჯარის დანაკარგები რეზერვისტების ხარჯზე შეავსოს და ისინი შესაბამისად აღჭურვოს.

“რუსეთის ფედერაციის შეიარაღებული ძალების სარდლობა ცდილობს, რომ საკუთარი ჯარის დანაკარგები რეზერვისტების ხარჯზე შეავსოს და ისინი შესაბამისად აღჭურვოს. 2 500 რეზერვისტს ვორონეჟის, ბელგოროდისა და როსტოვის ოლქების პოლიგონებზე ამზადებენ. ისინი გეგმავენ, რომ ეს რეზერვისტები უკრაინის ტერიტორიაზე გაგზავნონ და ომში ჩართონ,” – ნათქვამია უკრაინის გენშტაბის განცხადებაში.