(ACCnews) “კიდევ ერთხელ გავიმეორებ, სამხრეთ ოსეთის მიერთებისთვის რუსეთი არ გეგმავს ნაბიჯების გადადგმას,” – ამის შესახებ კრემლის პრესსპიკერმა, დიმიტრი პესკოვმა დღეს განაცხადა.
“მე უკვე ვისაუბრე ამ საკითხზე და კიდევ ერთხელ გავიმეორებ, არანაირი ნაბიჯები ამ შემთხვევაში რუსული მხარისგან და აღნიშნულთან დაკავშირებით არ გადადგმულა და არც იგეგმება,” – განაცხადა დიმიტრი პესკოვმა.
შეგახსენებთ, რომ ე.წ. ყოფილმა პრეზიდენტმა, ანატოლი ბიბილოვმა ოკუპირებული ცხინვალის რეგიონის რუსეთთან მიერთების შესახებ ე.წ. რეფერენდუმი 17 ივლისს დანიშნა. ოკუპირებული ცხინვალის რეგიონის ე.წ. არჩეულმა პრეზიდენტმა, ალან გაგლოევმა კი განაცხადა, რომ მხარს უჭერს გაყოფილი ოსი ხალხის გაერთიანების იდეას რუსეთის შემადგენლობაში, თუმცა მეორე საკითხია, დადგა თუ არა “რეფერენდუმის“ დანიშვნის მომენტი.
