“იმედი მაქვს, რომ ისინი ჩვენს მოწვევას მიიღებენ და მათ სტამბოლში შეკრებას შევძლებთ” – ერდოღანი პუტინისა და ზელენსკის შესაძლო შეხვედრაზე

(ACCnews) “იმედი მაქვს, რომ ისინი ჩვენს მოწვევას მიიღებენ და ჩვენ მათ სტამბოლში შეკრებას შევძლებთ,” – ამის შესახებ თურქეთის პრეზიდენტმა, რეჯებ თაიფ ერდოღანმა უკრაინა-რუსეთის სამშვიდობო მოლაპარაკებების შესახებ დასმული კითხვის საპასუხოდ განაცხადა.

“შედეგი დადებითია. ეს არ არის ზუსტად ისეთი, როგორც ჩვენ გვინდოდა, მაგრამ უკეთესი იქნება. ჩვენ არ ვართ იმედის გარეშე,” – განაცხადა თურქეთის პრეზიდენტმა.

ცნობისთვის, მომდევნო 48 საათის განმავლობაში, თურქეთის პრეზიდენტი, რეჯეფ თაიფ ერდოღანი რუსეთისა და უკრაინის პრეზიდენტებთან სატელეფონო საუბარს გამართავს.