(ACCnews) თურქეთის პრეზიდენტმა, რეჯეპ ტაიპ ერდოღანმა სტამბოლში ჟურნალისტებთან შეხვედრისას განაცხადა, რომ თურქეთს ფინეთის და შვედეთის NATO-ში გაწევრიანებასთან დაკავშირებით პესიმისტური შეხედულებები აქვს.
ერდოღანის განცხადებითვე, NATO-ში საბერძნეთის მიღებაც შეცდომა იყო.
“ჩვენ ვადევნებთ თვალს ფინეთსა და შვედეთის მიმართ მოვლენების განვითარებას, მაგრამ არ გვაქვს პოზიტიური შეხედულებები. როგორც თურქეთი, არ გვსურს მსგავსი შეცდომების გამეორება. ამასთან, სკანდინავიური ქვეყნები ტერორისტული ორგანიზაციებისთვის საოჯახო სასტუმროებია. ისინი ზოგიერთი ქვეყნის პარლამენტის წევრებიც არიან. არ შეგვიძლია, მათ მხარეს ვიყოთ”, – განაცხადა ერდოღანმა.
შეგახსენებთ, ფინეთის პრეზიდენტმა და პრემიერ-მინისტრმა 12 მაისს განაცხადეს, რომ ნატო-ში გაწევრების შესახებ განაცხადის გაკეთება რაც შეიძლება მალეა საჭირო.
