“ვფიქრობ, დონალდ ტრამპს სამუდამო ბლოკს მოვხსნიდი, მაგრამ “ტვიტერი” ჯერ არ მეკუთვნის” – ილონ მასკი

(ACCnews) “ტესლას” აღმასრულებელი დირექტორის, ილონ მასკის განცხადებით, ის თანახმა იქნებოდა აშშ-ს ყოფილი პრეზიდენტისთვის, დონალდ ტრამპისთვის “ტვიტერზე” სამუდამო შეზღუდვა მოეხსნა, თუმცა დაამატა, რომ სოციალური ქსელი ჯერ არ ეკუთვნის.

“ვფიქრობ, დონალდ ტრამპის დაბლოკვა არასწორი იყო. ეს შეცდომა მგონია… ამით ქვეყნის დიდი ნაწილი გაუცხოვდა და დონალდ ტრამპის ხმის არქონამდე არ მივუყვანივართ. ვფიქრობ, პასუხი ისაა, რომ სამუდამო ბლოკს მოვხსნიდი. Twitter-ი ჯერ არ მეკუთვნის”, – განაცხადა მასკმა ტრამპის Twitter-ზე დაბლოკვასთან დაკავშირებული კითხვის საპასუხოდ.

8 იანვარს, აშშ-ს 45-ე პრეზიდენტი დონალდ ტრამპი მისი მხარდამჭერების მიერ 2021 წლის 6 იანვარს კაპიტოლიუმზე მოწყობილი თავდასხმის შემდეგ “ტვიტერზე” დაბლოკეს. მაშინ კომპანიამ მიზეზად ტრამპის ტვიტებით ძალადობის შესაძლო გაგრძელება დაასახელა.

სოციალური ქსელის ხელმძღვანელობის მიერ მიღებულ გადაწყვეტილებას მსოფლიოს უმდიდრესი ადამიანისა და სოციალური ქსელი Twitter-ის პოტენციური მფლობელი ილონ მასკი გამოეხმაურა და ტრამპის დაბლოკვას  “მორალურად არასწორი” უწოდა.

“ვფიქრობ, დროებითი შეზღუდვა სწორია, თუმცა არა სამუდამო”, – აცხადებდა მასკი დონალდ ტრამპის Twitter-ზე დაბლოკვასთან დაკავშირებით.