(ACCnews) უკრაინის პრეზიდენტი, ვოლოდიმირ ზელენსკი TWITTER-ზე წერს, რომ დიდი ბრიტანეთის პრემიერ-მინისტრს, ბორის ჯონსონს ესაუბრა.
როგორც უკრაინის პრეზიდენტი საკუთარ პოსტში ამბობს, ბორის ჯონსონთან უკრაინასა და დიდ ბრიტანეთს შორის თავდაცვითი თანამშრომლობის საკითხი განიხილა.
“ვაგრძელებს კავშირს ბორის ჯონსონთან. ვისაუბრეთ ალყაში მოქცეულ ქალაქებში არსებულ კრიტიკულ ჰუმანიტარულ ვითარებასა და სამშვიდობო მოლაპარაკებების მიმდინარეობის შესახებ ინფორმაცია გავცვალეთ. ჩვენ განვიხილეთ რუსეთის ფედერაციის წინააღმდეგ სანქციების გამკაცრება და უკრაინასა და დიდ ბრიტანეთს შორის თავდაცვის სფეროში თანამშრომლობა,” – წერს ვოლოდიმირ ზელენსკი.
ცნობისათვის, რუსეთის ჯარის უკრაინაში შესვლიდან უკვე 33 დღე გავიდა. ბოლო მონაცემებით ორივე მხარეს არის ათასობით მსხვერპლი. უკრაინას უკვე ჰყავს 3 მილიონზე მეტი ლტოლვილი. რუსეთს უკრაინაში შეღწევის გამო აშშ-მ, ევროკავშირის ქვეყნებმა, გაერთიანებულმა სამეფომ, იაპონიამ და ავსტრალიამ სანქციები დაუწესა.
