(ACCnews) ტელეკომპანია “სიენენის” ინფორმაციით, აშშ-ის პირველი ქალი სახელმწიფო მდივანი მადლენ ოლბრაიტი 84 წლის ასაკში გარდაიცვალა.
მადლენ ოლბრაიტი აშშ-ის სახელმწიფო მდივნის პოსტს ბილ კლინტონის ადმინისტრაციაში 1997-2001 წლებში იკავებდა. მას დიდი წვლილი მიუძღვის მეორე მსოფლიო ომის შემდეგ დასავლეთის საგარეო პოლიტიკის ფორმირებაში.
ქვეყნის პირველ დიპლომატად გახდომამდე კი, მადლენ ოლბრაიტი გაერო-ში აშშ-ის ელჩად მსახურობდა. ამასთან, აღსანიშნავია, რომ ოლბრაიტი მხარს უჭერდა ნატო-ს გაფართოებას, მოუწოდებდა ბალკანეთში ინტერვენციისკენ გენოციდისა და ეთნიკური წმენდის შესაჩერებლად, მიისწრაფოდა ბირთვული იარაღის გავრცელების შესამცირებლად და აქტიურად ემხრობოდა ადამიანის უფლებათა დაცვასა და მსოფლიოში დემოკრატიის გავრცელებას.
