“აზოვსტალის” ქარხნიდან ყველა ქალი, ბავშვი და მოხუცი ევაკუირებულია” – ირინა ვერეშჩუკი

(ACCnews) “მარიუპოლში რუსეთის ძალების მიერ ალყაში მოქცეული “აზოვსტალის” ქარხნიდან ყველა ქალი, ბავშვი და მოხუცი უკვე გამოიყვანეს,” – ამის შესახებ ინფორმაციას უკრაინის ვიცე-პრემიერი ირინა ვერეშჩუკი სოციალური ქსელის საშუალებით ავრცელებს.

“პრეზიდენტის ბრძანება შესრულდა. “აზოვსტალიდან” ყველა ქალი, ბავშვი და მოხუცი ევაკუირებულია. მარიუპოლის ჰუმანიტარული ოპერაციის ეს ნაწილი დასრულდა”. – წერს ვერეშჩუკი.

შეგახსენებთ, რომ “აზოვსტალის” ქარხნიდან მშვიდობიანი მოქალაქეების ევაკუაცია 1 მაისს გაეროსა და წითელი ჯვრის მონაწილეობით დაიწყო.